News

ནོར་ཝེ་དུ་༧གོང་ས་མཆོག་གི་༧སྐུའི་འཁྲུངས་སྐར་༢༠༡༧His Holiness the 14th Dalai Lama’s 82nd birthday celebration in Oslo Norway.


ཕྱི་༧ཚེས་༨ཉིན་       ནོར་ཝེ་རྒྱལ་ས་ཨོ་སེ་ལོ་དུ་ཀ་རྨ་བཀྲིས་གླིང་ཆོས་ཚོགས་སུ་

བླ་མ་བྱང་ཆུབ་ལགས་དབུ་ཞུགས་ཐོག་ནོར་ཝེ་བོད་རིགས་ཡོངས་དང་ཆོས་ཚོགས་མི་སྣ་བཅས་ནས་   ༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཁྲུངས་སྐར་ཉིན། འཁྲུངས་ལྷ་གསོལ་མཆོད་ཐོག།མནཌལ་བརྟན་ཞུགས།  བཞུགས་ཁྲིའི་སྟེང་གི་༧གོང་ས་མཆོག་གི་སྐུ་པར་མཐོང་མགྲོན་རིན་པོ་ཆེ་ལ་མཇལ་ཁ་དང།  རླུང་རྟ་དར་ལྕོག་བསང་གསོལ། མཇུག་ཏུ་༧གོང་ས་མཆོག་གི་༧སྐུའི་མཛད་འཕྲིན་ཐོག་འདྲི་བ་འདྲི་ལན།  སྙན་རྩོམ་འགྲན་སྡུར། རྩེད་རིགས་སྣ་ཚོགས་ཐོག་འགྲན་སྡུར་དང་ཨང་དང་པོ་རྣམས་ལ་བྱ་དགའ་དང་དགའ་སུའི་མཇལ་དར་གཞས་དང་ཞབས་བྲོ་སོགས།  གསོལ་སྟོན་བཅས།  ༧སྐུའི་འཁྲུངས་སྐར་སུང་བརྩི་གཟབ་རྒྱས་ཞུས་

His Holiness the 14th Dalai Lama’s 82nd birthday celebration in Oslo Norway.

                                  ༧སྐྱབས་མགོན་རིན་པོ་ཆེའི་སྐུ་པར་འདི་ནི་ཕྱི་ལོ་༡༩༧༣་ལོ་རྡ་རམ་ས་ལར་སྒྲོན་པ།།

                 འཛམ་གླིང་གི་ཉི་མ་སེར་པོ།

                         མི་ཉག་སྐལ་བཟང་།

ཡིད་བཞིན་ནོར་བུ། ཁྱོད་ནི་འགྲོ་བ་ཀུན་གྱི་རང་རང་གི་ཚེ་སྲོག་རིན་པོ་ཆེ་དང་འདྲ་བས་ན་ཁྱོད་ལ་ཡིད་བཞིན་ནོར་བུ་ཟེར།

ང་ཚོར་རུས་པ་ཡོད། རྐང་པ་ཡོད། ལག་པ་ཡོད། གློ་བ་དང་མཆིན་པ་སོགས་ཀྱང་ཡོད་ན་ཡང་སྲོག་གི་ཀ་བ་དེ་མེད་ན་ང་ཚོ་ནི་བེད་སྤྱོད་མེད་པའི་ཁང་པ་སྟོང་པ་ལྟ་བུ་ཞིག་རེད། ང་ལ་ཚེ་སྲོག་ཡོད་དགོས། ང་ཚོ་ལ་ཚེ་སྲོག་ཡོད་དགོས། ང་དང་ང་ཚོ་ལ་ཚེ་སྲོག་གི་ཀ་བ་ལྟ་བུའི་ཡིད་བཞིན་ནོར་བུ་དགོས། ཁྱོད་ནི་ང་དང་ང་ཚོའི་ཚེ་སྲོག་གི་ཀ་བ་དང་འདྲ་བའི་ཡིད་བཞིན་ནོར་བུ་དེ་ཁོ་ན་ཡིན།

རྒྱལ་བ་རིན་པོ་ཆེ། ཁྱོད་ནི་ཕྱོགས་ཀུན་ལས་རྣམ་པར་རྒྱལ་བའི་རིན་པོ་ཆེ་དང་འདྲ་བས་ན་རྒྱལ་བ་རིན་པོ་ཆེ་ཟེར། རྒྱལ་ཕམ་དང་ཐོབ་ཤོར་སྣ་མང་འདྲེན་པའི་ལྷ་འདྲེ་དང་གདོན་འདྲེ་མང་བའི་འཇིག་རྟེན་འདིར་ཁྱེད་རང་ནམ་ཡང་ཕམ་པ་དང་ཤོར་མྱོང་བའི་ལོ་རྒྱུས་ཤིག་ང་ཡི་མིག་ཟུར་ནས་མཐོང་མ་མྱོང་། ཁྱོད་ཀྱི་མི་འཇིགས་པའི་སྤོབས་པ་དང་གདེང་ཚོད་ནི་རི་བོ་ཧི་མ་ལའི་མཐོ་ཚད་ལས་ཀྱང་བརྒལ་ཡོད། གཡང་གཟར་དང་ཚང་ཚིང་མང་བའི་ལམ་ཁ་དུ་མ་ཞིག་བརྒྱུད་དེ་རྟ་དང་གཡག་ལ་བཞོན་ནི་རི་ཀླུང་དང་གཙང་པོ་ཁྲི་ཕྲག་མང་པོ་བརྒལ་མྱོང་བ་ནི་ཁྱོད་དང་ང་ཚོའི་རྒྱལ་ཁ་རེད་ལ།

སྐྱབས་མགོན་རིན་པོ་ཆེ། ཁྱོད་ནི་བོད་ཁ་བ་རི་པ་དང་། འཛམ་གླིང་སྐྱེ་འགྲོ་ཡོངས་ཀྱི་སྐྱབས་རྗེ་རིན་པོ་ཆེ་དང་འདྲ་བས་ན་སྐྱབས་མགོན་རིན་པོ་ཆེ་ཟེར། ཁྱོད་ཀྱི་སེམས་ལ་འཇའ་ཚོན་ལྟ་བུའི་རི་མོ་མེད་ལ། ནག་ནོག་གི་དྲི་མ་ཡང་མེད། རང་རྒྱལ་གཞན་ཕམ་གྱི་ཕྱོགས་ལྷུང་མེད་ལ། མི་རིགས་དཀར་ནག་གི་དབྱེ་འབྱེད་ཀྱང་ཁྱོད་ལ་མེད། ཁྱོད་ནི་ང་དང་ང་ཚོའི་ཁ་སང་གི་སྐྱབས་མགོན་རིན་པོ་ཆེ་དེ་ཡིན་ལ། དེ་རིང་དང་སང་ཉིན་གྱི་སྐྱབས་མགོན་རིན་པོ་ཆེ་ཡང་ཁྱོད་ཡིན།

ཏཱ་ལའི་བླ་མ། ཁྱོད་ནི་བསྟན་པ་དང་འགྲོ་བའི་དོན་དུ་བྱོན་ཞིང་། སྐུ་གསུང་ཐུགས་ཀྱི་ཡོན་ཏན་དང་འཕྲིན་ལས་ནི་གཏིང་ཟབ་ལ་རྒྱ་ཆེ་བའི་རྒྱ་མཚོ་དང་འདྲ་བས་ན་རྒྱ་མཚོའི་བླ་མ་ཟེར། ཁྱོད་ནི་ཞི་བདེ་དང་མང་གཙོ་ལ་དགའ་ཞིང་། ཁྱོད་དང་ང་ཚོ་ལ་མཁོ་བ་ནི་ཞི་བདེ་དང་མང་གཙོ་ཡིན། འོན་ཀྱང་རི་བོའི་ཕ་རོལ་ན་གཙང་པོའི་ཁ་ཕྱོགས་བསྒྱུར་ཞིང་གངས་རིའི་རང་མདངས་ཁྲག་ལ་བསྒྱུར་ཡོད། དགྲ་བོ་ལ་ངོ་ཚ་མེད་ཅིང་ཀླ་ཀློ་ལ་སྙིང་རྗེ་མེད་ཀྱང་། ཁྱོད་ནི་དུས་ནམ་ཡང་འོད་འཚེར་འཚེར་བའི་འཛམ་གླིང་གི་ཉི་མ་སེར་པོ་དེ་ཡིན་ལ། ས་ཡི་མཛེས་རྒྱན་དེ་ཡང་ཁྱོད་ཡིན། ཏཱ་ལའི་བླ་མ།  ཁྱོད་ཀྱི་སྐུ་ཚེ་ཁྲི་ལོ་བརྟན་པར་ཤོག།

 

Advertisements
Standard

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s