News

བོད་མི་མང་སྤྱི་འཐུས་གཉིས་ནོར་ཝེ་དུ་ཕེབས་སྐོར།།


༄༅། །འདི་གར་བོད་མི་མང་སྤྱི་འཐུས་ལྷན་ཚོགས་ནས་བཏང་གནས་ནང་འཁོད་དོན

ཕྱི་ལོ་༢༠༡༦ ཟླ་ ༥ ཚེས་ ༢༢ ནས་ཚེས་ ༢༥ བར་བོད་མི་མང་སྤྱི་འཐུས་འཇིགས་མེད་འབྱུང་གནས་ལགས་དང་། སྤྱི་འཐུས་དགེ་བཤེས་རོང་པོ་བློ་བཟང་སྙན་གྲགས་ལགས་རྣམ་གཉིས་གཉིས་ནོར་ཝེ་ལ་གཞུང་འབྲེལ་བོད་དོན་ཞུ་སྐུལ་ལས་དོན་ལེགས་གྲུབ་བྱུང་བ།

ཕྱི་ཚེས་ ༢༢ ཉིན་ནོར་ཝེའི་རྒྱལ་ས་ཨོ་སི་ལོའི་གནམ་ཐང་དུ་འབྱོར་སྐབས། ནོར་ཝེ་བོད་རིགས་ཚོགས་པའི་ཚོགས་གཙོ་ལྕམ་སྐུ་བློ་བཟང་དཔལ་མོ་གཏན་ཞལ་གཉིས་དང་། ནོར་ཝེ་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཧར་མན་ཊེབ་ཀོར་གེལ་བཅས་ནས་ཕེབས་བསུས་ཀྱིས་དགོང་དྲོ་ཆུ་ཚོད་༤ པ་ནས་ས་གནས་བོད་རིགས་མི་གྲངས་ ༣༠ ལྷག་དང་ལྷན་ཚོགས་འདུ་དང་བགྲོ་གླེང་མཇུག་ཏུ་ཞབས་གཞས། ཕྱི་ཚེས་ ༢༣ ཉིན་གུང་ནོར་ཝེ་གྲོས་ཚོགས་ཁང་ནང་ཆབ་སྲིད་ཚོགས་པ་མི་འདྲ་བ་གསུམ་གྱི་སྐུ་ཚབ་གྲོས་ཚོགས་འཐུས་མི་གསུམ་དང་ལྷན་དུ་བཞུགས་མོལ་ཚོགས་འདུ་དང་། གྲོས་ཚོགས་འཚོགས་བཞིན་པ་ལ་ཟུར་ཉན། ཉིན་རྒྱབ་ཆུ་ཚོད་༥ པའི་ཐོག་ནོར་ཝེ་བོད་ཀྱི་རླུང་འཕྲིན་ཁང་གི་ལས་ཁུངས་ཨ་མའི་ནང་། བོད་དོན་རྒྱབ་སྐྱོར་ཚོགས་པ་དང་། བོད་རིགས་བཅས་ཁྱོན་བསྡོམས་མི་གྲངས་ ༣༠ མ་ཟིན་ཙམ་ལ་གཏམ་བཤད་དང་དྲི་བ་དྲིས་ལན། ཕྱི་ཚེས་ ༢༤ ཉིན་སྔ་དྲོ་ཆུ་ཚོད་ ༩ པ་ནས་ ༡༢ བར་རྒྱལ་ཁབ་འདྲ་མིན་ནས་མཉམ་ཞུགས་གནང་བའི་ནོར་ཝེའི་རྒྱལ་སྤྱིའི་རང་དབང་གི་གླེང་སྟེགས་ཞེས་པའི་ཚོགས་ཆེན་ཞིག་ཏུ་མཉམ་ཞུགས་ཞུས། ཕྱི་དྲོ་ཆུ་ཚོད་༡ ཐོག ནོར་ཝེ་ཇེན་རྒྱལ་ཡོངས་འགྲོ་བ་མིའི་ཐོབ་ཐང་ལྟེ་གནས་ཁང་(National Institution for Human Right) གི་གནད་ཡོད་མི་སྣ་དང་ལྷན་དུ་མཇལ་འཕྲད་ཀྱིས་ལྷན་མོལ་ཞིབ་ལྷུག་གནང་ཡོད་པ་དང་། དེ་ཡང་སྤྱི་འཐུས་རྣམ་གཉིས་ཀྱིས་གནད་ཡོད་མི་སྣར་མཇལ་འཕྲད་སྐབས་བོད་མི་མང་སྤྱི་འཐུས་ལྷན་ཚོགས་ཀྱི་ཕྱག་རྟགས་དང་མཇལ་དར་བསྒྲོན་འབུལ་ཞུས་ཤིང་དང་། བོད་ནང་གི་ཛ་དྲག་གི་གནས་སྟངས་དང་། དེ་ལ་གདོང་ལེན་བྱེད་ཕྱོགས་དང་། རྒྱལ་སྤྱིས་དེ་ལ་རོགས་རམ་དགོས་མཁོ་དང་རྒྱབ་སྐྱོར་འབོད་སྐུལ་ཀྱི་ཞུ་ཡིག་བཅས་འབུལ་ལམ་ཞུས་པར་མ་ཟད། དྲི་བ་ཁག་ལ་ལན་འདེབས་དང་གསལ་བཤད་ཞུས་པ་བཅས་ལས་དོན་ལེགས་གྲུབ་བྱུང་སྟེ་ཚེས་༢༥ སྔ་དྲོ་ནོར་ཝེ་བོད་རིགས་ཚོགས་པའི་ཚོགས་གཞོན་ནས་གནམ་ཐང་དུ་ཕེབས་སྐྱེལ་གྱིས་འཇར་མན་བརྒྱུད་ཕྱི་ཚེས་ ༢༦ སྔ་དྲོ་གཏན་འཇགས་སྡོད་གནས་སྦེལ་ཀོབ་ཏུ་འབྱོར་ཡོད་པ་བཅས།།

Advertisements
Standard

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s